 |
 |
 |
|||
 |
|||||
|
||||||||||||
| IJ BRANDÉ Antologìa 'd poesìa e pròsa piemontèisa 2013 |
| PIEMONT PÒVER E SGNOR A son temp che tuti a definisso gram, temp ant ij quaj as tribula a esiste e a arziste a cole mnasse ch'a rivo da tute le bande e, còsa nen sensa importansa, con ëdcò na scarsità 'd mojen ëd sostentament. La stòria nen tant lògna an conta 'd temp autërtant grev dai quaj a l'é riessusse a seurte, miraco na frisa pì stfisoj, con meno 'd cicia 'nt la bëddra, ma con la consiensa d'avèj vagnà quaicòs ant l'esperiensa. L'esperiensa, an efet, a mura mej s'a-i é nen tròpa abondansa. Con tut sòn i dovóma nen esse content ëd dovèj rampiesse sii véder e d'andé an chistonand për trové ij sòld ch'a servo për paghé papé e anciòstr. E bin, con un sospir ëd sodisfassion, ma nen d'arlass, i podoma dì, strenzend ant le man cost nùmer ëd Ij Brandé 2013: «I l'oma torna faila!». Sensa pioresse a còl, sensa gnun-a vërgògna, ma gnanca sensa calé d'un brin da la consiensa d'esse da la part dël giust, coma ch'as peul bin capisse lesend ël contribù dël professor Gilardin an sla defi-nission éd lòn ch'a l'é na lenga. Cost a l'é n'impegn e n'angagg ch'a va al dëdlà 'd cola ch'a l'é la sempia realtà 'd buté ansema na pcita part ëd col bondos material che, për boneur, a ven ancora scrit minca ann da chi a l'ha a cheur soa lenga gënita, ëd qualséssìa nuansa e antonassion. La sodisfassion pì granda, lassemlo dì a vos bassa për nen serché na blaga van-a e sensa sust, a l'é nen cola d'esse torna riessù nen mach a fé quadré bilans dij dné, ma cola d'avèj podù seguité s'na carzà che da tanti ani a l'é lì ch'a së slonga portand sò cit ba-ronèt ëd giàira an sla stra dla nòstra coltura. Gnun-e blaghe, i disìa, nopà a fà piasì trové sèmper na bondosa partessipassion d'autor d'ancheuj e na bon-a sernia fra col ch'a son da consideresse coma ij nòstri Brandé, resempi da deje apress pér amprende e pér nen seurte fòra da la tùa 'd nòstra coltura. Pròpi për porté quàich sëbber d'eva frësca, tirà su dal poss che pì piemontèis as peul nen, i l'hai vorsù smon-e ai letor ëd costa antologia n'atast ëd lòn ch'as peul fé con nòstre lenghe gënite. Mersì a la gentilëssa 'd monsù Carlo Demichelis e a al savèj përfond ëd Bepe Sané (për j'amis bele mach Dragonòt) as peul vëdde e lese coma che con ël pie-montèis, pròpi përchè lenga con tuti j'atribù dël cas, as peulo afronté d'argoment ch'a son nen leterari, nopà sienfifich o umanìstich. La siensa pura o cola aplicà, parèj coma la filosofia pì s-ciassa, as peulo contesse 'nt la midema manera che con la lenga dë stat sensa ch'as perda gnente 'd sò valor, nen mach ma giontandje un ghëddo motobin nostran ch'a peul rende pì acetàbil édcò lòn ch'a podfia fé scapé con ël mal a la testa. Quàich purista dla literatura a podrà miraco stòrze nas pér cost «inquinamenb>, ma i spero ch'a-i na sarà d'àutri ch'a capiran col ch'a l'é 'l but ëd costa inissiativa ch'a podria esse (dovrand él dubi dël condissional) na manera për porté nòstra lenga 'dcò pì an là 'd lòn ch'a peul esse la poesia e la pròsa. [..] |
TESTI DI: GIOVANNI DELFINO - CARLO DEMICHELIS - CARLO ELLENA - SERGIO MARIA GILARDINO - GIUSEPPE GORIA - DARIO PASERO - CENSIN PICH - CLAUDIO SANTACROCE - DUMINI VINEIS - ALDO BARBERIS - PADRE MARIO BATTAGLIOTTI - JUCCI BARBETTA - CARLA BELLATO ORTALE - REMIGIO BERMOND - REMO BERTODATTI - ANTONIO BODRERO - CAMILLO BRERO - MARIO CERUTTI - MARISA CHIORINO - GIORGIO CUGNO - CESARE FILIPPI - MIRELLA LEVO GATTI - FRANCO MASSIMINO - ANIN MOLIN PRADEL RABINO - LUIGI ARMANDO OLIVERO - MARIO PARIS - CICHIN PASCHËTTA - GIANNI PORRU - FIORENZA SULLIOTTI - PIERO AIMAR - DANIELE ARMANDO - ANNAMARIA BALOSSINI - ALBINO BARREL - ALESSANDRO BASSIGNANA - REMIGIO BERTOLINO - LAURA BERTONE - GIUSEPPE BIANCO - MICHELE BONAVERO - ALDO BRUNO - MARIA PIA CODA FORNO - ANGELO ETTORE COLOMBO - FRANCO CORSINO - PRIMO CULASSO - ITALO DEMATTEIS - TIZIANA DELSALE - CARLO ELLENA - ROMANO FEA - RAFFAELLA FRASSATI - ANTONINA GALVAGNO - PINUCCIA GAMBA - MARIO GIAI VIA - ILVA GIBBA - FRANCO GIUFFRIDA - SERGIO GONDOLO - MICHELA GROSSO - VITTORIO GULLINO - SERGIO MARENCO - PIER CARLO MASCHERA - GIUSEPPE MINA - GIAN BATTISTA MORTARINO - SERGIO NOTARIO - DOMENICO NOVARESIO - MARIA CARLA OTTAZZI VIBERTI - DARIO PASERO - GIANFRANCO PAVESI - FABRIZIO LIVIO PIGNATELLI - CARLIN PÒRTA - GIORGIO RAVA - LUCIANO RAVIZZA - ELISA REVELLI TOMATIS - STEVO RIDELLA - ANNA MARIA RIMONDOTTO - VITTORIA ROLLÉ - VALERIO ROLLONE - ATTILIO ROSSI - GABRIELLA SAVARINO - RINO SERRA - GIUSEPPE SINCHETTO - ANTONIO TAVELLA - GIOVANNI TETI - SALVE (SHO) VALTINGOJER - SILVIO VIBERTI - ANTONIO ACHINO QUIGA - GIAN ANTONIO BERTALMIA - ANNA BOASSONE DANIELE - MARIA TERESA CANTAMESSA ANDRINA - ADRIANO CAVALLO - LUIGI CERESA - MARIA PIA CODA FORNO - SERGIO MARIA GILARDINO - ENRICO GULLINO - SERGIO MARENCO - GIANNI MARIETTA - PIERGIUSEPPE MENIETTI - VITTORIA MINETTI - CANDIDA RABBIA - LUCIA RENAUDO - STEVO RIDELLA |  
|
|
| ©1999-2024 Tutti i diritti riservati Via Brofferio, 80 14100 Asti - Piemonte - ITALY Cell +39 3490876581 Spedizioni corriere espresso in Italia e in tutto il mondo Riceviamo in sede su appuntamento P.IVA 01172300053 - Cod.Fisc. BSSVCN50C23B425R - REA AT-93224  ebussi50@gmail.com |